توضیحات
یاواش یاواش سئودیم سنی
(سئچیلمیش شعرلر توپلوسو)
رامیز روشن
ناشر: نشر اختر
چاپ اول ۱۳۹۶
۳۷۴ صفخه
شابک: ۷-۰۱۴-۴۸۶-۶۰۰-۹۷۸
نمونه ای از شعرهای این کتاب …
حسرت
بیر تورپاق پارچاسی قاچیر دالیمجا
ائله بیل بویوما بیچیلیب منیم.
قوپوب کندیمیزین آی ایشیغی یلا
قورباغا سسی دولو
آخشاملاریندان،
قوپوب ائولریندن آدام لاریندان
بیر تورپاق پارچاسی قاچار دالیمجا.
قاتاردا، ماشیندا
اوره یی بولانان بنؤوشه ننه م،
شهره گلمه یه
منی گؤرمه یه
کؤنلو غبارلانان بنؤوشه ننم
بیر پارچا تورپاغین دوشر دالینجا
یویورر یویورر چاتانماز آنجاق.
بیر تورپاق پارچاسی آزار شهرده
منی آختارماقدان
بئزر شهرده
ایشیقلی رئکلام لار دئشیر گؤزونو
آغلاماق ایسته یر
آغلایا بیلمز
آخیردا اؤزونو ساخلایا بیلمز
گئنیش کوچه لرین
گوموش آسفالتینا آتار اؤزونو
تکرلر آلتینا آتار اؤزونو …
… بیر تورپاق پارچاسی قاچار دالیمجا،
کاش گلیب تاپایدی بو گوندن منی
بو شهر ایچینده
آیری قویمایایدی اؤزوندن منی
گئجه لر او تورپاق پارچاسی اوسته
بیر آغاج اکه یدیم
بیر ائو تیکه یدیم
گلین گتیره یدیم اؤز کندیمیزدن …
نقد و بررسیها
هنوز بررسیای ثبت نشده است.