توضیحات
یارالی قارتال
آلقاییت خلیل اوو
حاضیرلایان: عاشیق حسین ساغی
چاپ دوم ۱۳۹۵
۱۵۲ صفحه
شابک: ۶-۲۸۶-۵۱۷-۹۶۴-۹۷۸
آخیجی و درین معنالی شعیرلریله صنعت عالمینده اؤزوندن ایز قویان شاعیرلردن بیری ده القاییت خلیل اوودور. اونون هله کتابی چاپ اول شعیرلری سس کاسئتلری واسیطه سیله خلق آراسیندا یاییلمیش، آذربایجاندا خارج اؤلکه لره او جمله دن ایران و ترکیه یه ده یول آچمیشدیر.
یوخاری دانیشیق قابلیتینه مالک تولان شاعیر آلقاییت شنلیک و توی مجلیسلرینده سؤیله دیگی شیرین حکایت و لطیفه لریله هر بیر ائشیده نین اورگینه یول تاپیب و اؤز آدینی یادداشلاردا حک ائله ییبدیر. اونون بیر چوخ موضوعلاردا شعرلری اولسادا تنقیدی شعرلری داها اودلو و اورگه یاتیم دیر. ظولمه، آیری سئچگیلیگه، رشوتخورلوغا و غیرتسیزلیگه قارشی اعتراض ائتمک شاعیرین یارادیجیلیغینین ان قاباریق خصوصیتلریندن دیر.
آذربایجان تورپاقلارینین معین بیر حیصه سی ائرمنی لر الیله اشغال اولاندان سونرا شاعیر آلقاییدین دا دیگر آذربایجان شاعیرلرینه تای یارادیجیلیغیندا یئنی بیر بؤلوم یارانماغا باشلاییبدیر؛ اودا وطن حسرتی، تورپاق قایغی سی، قاچقین لیق و کؤچگون لوک دردی دیر.
ایران آذربایجانیندا شاعیر آلقاییدی تانییانلار آز دئییل، اونون بوراخدیغی شعیر کاسئتلری بیر چوخ ائولرده دائما دینله نمکده دیر. یقین کی آلقاییت یارادیجیلیغینین هوسکارلاری اونون شعیر کتابینین چوخداندان یولون گؤزله مکده دیرلر. عاشیق حسین ساعی بو کتاب ایسه شاعیرین شعرلریندن اؤز سلیقه سیله سئچیب کؤچوروبدور.
شاعیر آلقاییت خلیل اوو ۱۹۴۱ – جی ایلده گؤیچه ماحالینین داشکند کندینده آنادان اولوب، آتاسی عاشیق بایرام، آناسی ایسه مشهور سیناقلی سید بایرامین قیزی اولوبدور.
شاعیرین ایلک کتابی ۲۰۰۰ -جی ایلده باکی دا ۳۲۴ صحیفه ده ناصر نشریاتی طرفیندن بوراخیلیبدیر. اومیدکی بو کتاب آلقاییت سئورلره بیر تحفه اولسون.
تبریز – محمد عبادی قاراخانلو «آلیشیق»
نقد و بررسیها
هنوز بررسیای ثبت نشده است.