کلیات علی آقا واحد

توضیحات

کلیات علی آقا واحد
(غزل لر، مختلف شعرلر و طنزلر)
تدوین، تصحیح: پریسا داداش پور
ناشر: پارلاق قلم
بیرینجی چاپ ۱۳۹۳
ایکینجی چاپ ۱۳۹۷
۶۳۲ صفحه
شابک: ۲-۱۵-۷۷۹۳-۶۰۰-۹۷۸

ایییرمی اینجی یوزایل لییین اولینده باکیدا اجتماعی – اقتصادی، مدنی حیات ایلدن ایله داها دولغون مضمون آلیر، هر ساحه ده بؤیوک بیر جانلانماق، ایره لی له ییش مشاهده اولونوردو. شهرده یئنی یئنی بینالار، موسسه لر، مکتب لر تیکیلیر، معارف ایشلری گئنیشلنیر، گئتدیکجه چئشیدی آرتان روزنامه و مجله لر داها چوخ ائولره یول تاپیردی. «ملا نصرالدین» احوالات لاری دانیشیرمایان، «هوپ هوپ» ون (م.امصابرین) شعرلری دئییلمه ین عایله تاپماق ممکن دئییلدی.
…علی آقانین اون- اون ایکی یاشی اولاردی (او، ۱۸۹۴ -جو ایلده باکی شهرینده دنیایه گلمیشدی) یاری کؤنول گئتدییی دینی مکتب خانا او، ایکی ایل اوخودوقدان سونرا یوخسوللوق اوزوندن تحصیلینی یاریمچیق قویوب ایشله مه یه باشلامیشدی. اول توتون کارخاناسیندا چیلینگر شاگردی، سونرا دولگر ایشله میشدی. آتاسی چوخ ائرکن وفات ائتدییی چون عمی سی نین حیمایه سینده بؤیویوردو. یئنی اصولو مکتب لرده ایسه تحصیل آلماق ایسته یی نین ال چاتماز اولدوغونو باشا دوشوردو.
او دؤره ده باکیدا و اطراف کندلرده یاشایانلار آراسیندا ییغیلیب شعر اوخوماق خالق شعری نوعو گئنیش یاییلمیشدی. معین بیر سببدن تاپلاشمیش شنلیک مجلیس لرینده، داها گئنیش مقیاسلا تویلاردا «سؤز قوشماق» قابلیتی اولان بیر نئچه آدام (گنجده، یاشلیدا اولا بیلردی) اورتایا چیخیردیلار. اونلار مجلس لرده – کی لردن بیرینی تکلیف ائتدییی قافیه لی مصراعنی معنا و آهنگینه اویغون بداعتا (فیکیرلشمه دن) بندلر دئمه یه باشلاییردیلار. مضمون شوخ، یومورلو؛ آهنگ، اویناق ریتملی اولور، میخانانین سؤزلری مجلسده کی لرین چیلتیک چالماسییلا یاخود ناغارا، دف ایله مشایعت ائدیلیردی. میخانا دئین لر آراسیندا بیر نوع صنعتکارلیق یاریشی گئدیردی. مجلسده کی لر داها معنالی، حاضیرجاواب و سؤزو مهارتله یئرینده ایشله ده بیلنلری اؤز آلقیشلاری ایله فرقلندیریر و قیمتلندیریردیلر. چوخ گمان کی، یئنی یئتمه علاقه نین سؤز صنعتینه ماراغی، شعر قوشماق استعدادی نین منبت زامانی ائله او میخانا مجلس لری اولموشدو، چونکی آرتیق گنج یاشاریندا اونو میخانا استادی کیمی آد چیخارماسی باره ده، معاصیرلری نین خاطیره لرینده ماراقلی معلوماتلار موجوددور.