توضیحات
پیمان
اشعارترکی و فارسی محمود قبه زرین (م . ق. آراز)
ناشر: موغام
۵۴۶ صفحه
چاپ اول ۱۳۹۷
شابک: ۸-۲۳-۷۶۹۷-۶۰۰-۹۷۸
نمونه اشعار ترکی
چال عاشیق
چال سازی سسلندیر آماندیر
یوخو آلدی گؤزومو
سو بولانلیق
گون دومانلیق
اولوب ائل یوردو دومانلیق
سؤندوروب یئل کؤزومو
قهرمان اوغلوون عاشیق داها یوخـدور دؤزومو
سؤنموش او اودلاری مضرابیله اودلاندیر عاشیق
قوی نفس گلسین ائله
باغلایاق شالی بئله
دایاناق سئل قاباغیندا
بابالارمیز سایاغیندا
هایلا گلسین نبینی ال ده تفنگی هابئله
قوچ کوراوغلو دلیلرله گله، بابک دیریله
هامی وئرسین ال اله،
قوی سنین دوشمانیوین نسلی کؤکوندن قوروسون.
سویموش او قانلاری قاینات گویه داشلاندیر عاشیق
چال ظفر نغمهسینی سس بو دیاری بوروسون
عاشیق آوازی، سازی ائل بوغازی
گئجهدن چوخلو کئچیبدیر
قالیب البته آزی
یئتریب صبح نمازی!
داغلارین باشی منارهن!
سازین آواسی اذان!
پردهلر حمدیله سوره
شور شهنازدا قرآن!
هایلا ستارخان ائلی،
اونون ال بیر فامئلی،
بو سحر وقتی قیام ائیله یهلر،
قیلالارصبح نمازین
بحثی تمام ائیله یهلر.
بیر نهال اکدیم کی حالیم حال اولا
بارلانا بار یایله باغریم بال اولا
ایستهییم بیر یارِ شیرین خو یدیر
صورتی زیبا، لبینده خال اولا
اینجه بئل، سیمین بدن آهو باخیش
لب یئتیشمیش سینه لاکن کال اولا
پایکوبان می پرست مستانهلر
تار کمان غوغا سالا چال چال اولا
لب لبه، ال بئلده، سینه سینهده
قول بویون یار یایله گو نلر سال اولا
کیم بَیَنمز گر بو احوالی گؤروم
کار اولا گوشی زبانی لال اولا
عاشقم من ، عشقیم آذربایجان
قوی آراز یارین بئلینده شال اولا
نقد و بررسیها
هنوز بررسیای ثبت نشده است.