توضیحات
پروفسور تورخان گنجه ای تبریزی
به اهتمام: رضا همراز
ناشر: قالان یورد
چاپ اول ۱۳۹۹
۸۵ صفحه
شابک: ۹-۶۷۶۵۲۹-۶۲۲-۹۷۸
زینال اوغلو تورخان گنجه ای ۱۹۲۵- جی ایلین مارت آیینین ۲۰-سینده تبریزده دنیایا گلیب. اورتا مکتبی بیتیردیکدن سونرا اون دوققوز یاشیندا تحصیلینی دوام ائتدیرمک اوچون استانبولا گئده رک، اوراداکی اونیورسیته نین تورک – فارس دیللری بؤلومونو بیتیریب. عالم، پداقوژو فعالیته گؤرکملی شرق شناس بومباچی نین دعوتی ایله ایتالیانین ناپلئون اونیورسیته سینین شرق شناسلیق انستیتوتوندا باشلاییب. تورخان گنجه ای بیر سیرا اؤلکه لرده – ایتالیا دا (۱۹۴۵-۱۹۵۳ و ۱۹۵۶-۱۹۵۹ )، آلمانیادا (۱۹۵۳-۱۹۵۶)، انگلستان دا (۱۹۵۶-۱۹۶۹) علمی و پداقولوژی فعالیتله مشغول اولوب. ۱۹۶۹-۱۹۷۰ – جی ایللرده بیر نئچه آیلیغا ایرانا قاییتمیش، سونرادان یئنه انگلستانا گئتمیش و عمرونون سونونا قدر بو اؤلکه نین اونیورسیتت لرینده چالیشمیشدیر.
تورخان گنجه ای گنج یاشلاریندان چالیشدیغی بوتون علمی موسسه لرده، گئنیش معلوماتی و استعدادی ایله دقت مرکزینده اولموشدور. او بیر چوخ آوروپا دیللرینی گؤزل بیلیر و اثرلرینین اکثریتینی بو دیللرده یازیردی. مبالغه سیز دئیه بیلریک کی لطفی زاده دقیق علم لر ساحه سینده آذربایجانی بوتون دنیادا نئجه شهر تلندیرمیشسه، تورخان گنجه ای ده فیلولوگیا و تورکولوگیا ساحه سینده یئتیشمیش، گئنیش مقیاسلی بیر عالم کیمی وطنیمیزین باشینی اوجا ائتمیشدیر.
نقد و بررسی‌ها
هنوز بررسی‌ای ثبت نشده است.