شانلی آذربایجان

۸۰۰/۰۰۰ ریال

توضیحات

شانلی آذربایجان
میر مهدی اعتماد بوتون شعرلر
توپلاییب و حاضیرلایان: نوید محمدی
ناشر: ساوان ایگیدلری
چاپ اول
۵۶۸ صفحه
شابک: ۲-۲۱-۸۸۲۱-۶۰۰-۹۷۸

میرمهدی اعتماد ۱۲۷۹ شمسی – ۱۳۱۳ قمری ایلینده خیاوان محله‌سینده دونیایا گؤز آچمیشدیر. او بیزیم معاصر ادبیات تاریخیمیزین مهم شخصیتلریندندیر.

میر مهدی اعتماد، سیاسی جهتدن باخساق آذربایجان ملّی حکومتینین ثبت اسناد ادارهسینین باشقانی ایدی . او، همین دؤرده قورولان شاعیرلرمجلسی نین صدری ایدی و چوخ عظمتلی شعر جلسهلرین اداره ائدیرمیش.

اونون گلین لر بزهیی و چرشنبه بازاری انتقادی طنز و فولکلوریک مایهسی اولان اثرلری انقلابدان اول ان چوخ چاپ اولونوب، اوخونان کتابلاردان ساییلیر. اعتمادین ماهنی شعرلرینین ده اؤزونه مخصوص یئری واردیر.

گلدی بهارین صداسی، آهو کیمی گؤزلرین، آذربایجان ملّی مارشی و… کیمی مشهور ماهنیلار اونون اونودولماز اثرلریندندیر.

شانلی آذربایجان کتابی، میر مهدی اعتمادین نصاب اعتماد آدلی اثریندن خاریج بوتون اثرلرین احتیوا ائدیر. بو اثرلر اونون بوندان اول نشر اولونموش مختلف کتابلار، آنتولوژیلر و درگیلردن توپلانیب، قارشیلانیب، تصحیح اولونموشدور.

بو مجموعهده چاپ اولونان شعرلردن نمونه لر:

گلدی بهارین صفاسی

عالمی توتدو ضیاسی

صحن گولوستاندا اوجالدی

بلبل شیدانین نواسی

سن ده چیچکلندیر حیاتین بهارینی

گل اوخو بولبول تک آزادلیق شعارینی

محو ائله هر یئرده ستم روزگارینی

تاپ سعادت، آل شرافت
گئت آزادلیق شیوهسیله

اول بو عشقین جلوهسیله

ذوق آلیب آزادلیق نشئهسیندن

روحه وئر هر زماندا طراوت

یوخ عزیز بیر شئی وطندن

قوو بوتون خاری چمندن

قیرماسین بیر چیچک یاسمن‌دن

صحن گولوستانیمیزه اسمهسین خزان

بایراغیمیز دالغالانیب اولسون حکمران

ظلمدن عالمده گرک قالماسین نشان

کائناتدا حکم سورسون تک عدالت

محو اولونسون یئر اوزوندن دائما هر خیانت.

نقد و بررسی‌ها

هنوز بررسی‌ای ثبت نشده است.

اولین کسی باشید که دیدگاهی می نویسد “شانلی آذربایجان”

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *