بیر عؤمور یوخو

توضیحات

بیر عؤمور یوخو
بختیار وهابزاده
کؤچورن: آلپای جیحون
ناشر: آذر توران – نباتی
بیرینجی چاپ ۱۳۹۸
۳۵۸ صفحه
شابک: ۳-۵۹-۶۰۶۳-۶۲۲-۹۷۸

بختیار محمود اوغلو وهاب زاده ۱۹۲۵ – جی ایلده شکی شهرینده آنادان اولموشدور. آذربایجان ادبیاتینین، بوتؤولوک ده آذربایجان ادبی فیکرینین گؤرکملی نماینده سی اولان خالق شاعری بختیار وهاب زاده نین آدی تکجه آذربایجان رئسپوبلیکاسیندا دئییل، اونون حدودلاریندان چوخ – چوخ اوزاق لاردا تانینیر. بختیار وهاب زاده شاعر، دراماتورق، استعدادلی عالیم و پوبلیسیست اولماقلا یاناشی، غیرتلی و جسارتلی اجتماعی خادم، ساده و صمیمی انسان کیمی ده تانینیر و سئویلیر. تصادوفی دئییل کی، اونون اثرلری، شعر کتاب لاری، درام لاری و پوبلیسیستیک یازی لاری دونیانین چوخ دیل لرینده، او جمله دن انگلیس، فرانسیز، آلمان، فارس،پولیاک، ایسپان، مجار و کئچمیش سووئت بیرلییی نین بیرچوخ خالق لارین دیل لرینه ترجمه ائدیلمیش و بو اثرلر چوخ بؤیوک ماراق و سئوگی ایله قارشیلانمیشدیر. ۱۹۳۴ – جو ایلده عاییله سی ایله برابر باکی شهرینه کؤچموشدور. ۱۹۴۲ -جی ایلده اورتا مکتبی بیتیریب، باکی دؤلت یونیورسیته سینین فیلولوگیا فاکولته سینه داخل اولموش، ۱۹۴۷ -جی ایلده همین فاکولته نی بیتیریب، یونیورسیته نین نزدینده آسپیرانتورایا قبول اولونموشدور. ۱۹۵۱ -جی ایلده «صمد وورغون لیریکاسی» موضوعوندا نامزدلیک، ۱۹۶۴ -جو ایلده ایسه «صمد وورغون حیات و بارادیجی لیغی» موضوعوندا مونوقرافیاسینی مدافعه ائدیب، فیلولوژی علم لر دکتورو عالیم لیک درجه سینی آلمیشدیر…