اصلی ایله کرم داستانی

توضیحات

اصلی ایله کرم داستانی
توپلایان: عاشیق حسین ساعی
سهمانلایان: عیوض پورحسن
ناشر: آذر توران و نباتی
۲۸۴ صفحه
بیرینجی چاپ ۱۳۹۹
شابک: ۲-۰۰-۷۳۴۸-۶۲۲-۹۷۸

بو داستان اسلاما کئچید دؤوروندن باشلایاراق، روایت، افسانه و ناغیل روایتلرینده بوتون شرق دونیاسیندا گئنیش یاییلیب. «اصلی -کرم» داستانینین ایلک روایتینین قدیم افسانه، روایت و ناغیلارلا سسلشمه سینه دائر اطرافلی نوعلره وارمادان بعضی منبع لری مختصر خاطرلاماق کفایتدیر.
داستانین تورک روایتلرینده، او جمله دن بو روایتلر اساسیندا ایشلنمیش ارمنی «اصلی – کرم» داستانیندا کرمین آتاسینین آدی هارون الرشیددیر. او، اصفهان پادشاهی کیمی وئریلیب (۱۹نجی عصر). بو کیمی سندلر «اصلی – کرم» داستانینین و بو خالق حکایه سینین، دوغروداندا قدیم بیر تاریخه مالک اولدوغونو تصدیق ائدیر. آذربایجان داستانلاری، او جمله دن «عاشیق قریب و شاه صنم»، «شاه اسماعیل و گلزار»، «اصلی – کرم» داستانین روایت شکلینده اولان و ناتمام شکلده بیزه گلیب چاتان ایلک واریانتیندا کرم محبتی نامینه صنعان کیمی عیسایه تاپینیر، حتی کشیش کیمی دونوزدا اوتاریر:
صنعان کیمی اودا آتدیم قرآنی،
دونوز گؤتدوم، اله آلدیم عصانی،
ترک ائتدیم مهدینی، توتدوم عیسانی،
مسجدیم اولوبدو کلیسا منیم.
«اصلی – کرم» داستانینین قارداش خالقلاردا (اؤزبک، تورکمن، قازاخ، قاراپاپاخ، تاتار، باشقیرد، تورک و ب) چون الوان روایتلری، نوعلاری، مختلف سبکلی اوخشار سوژئتلری وار. داستان شرقده آلتای و سیبیره. غربده بلغارستانا قدر بؤیوک بیر اراضیده گئنیش یاییلیب.
«اصلی – کرم» تورک فولکلورشناسلیغیندا تحلیل اولونوب. کرمین شخصیتی اطرافیندادا مباحثه لر گئدیب، اونو، حتی قاراجا اوغلانلا (۱۶۷۹-۱۶۰۶) عینی لشدیرمک ایسته ییبلر. لاکن «اصلی کرم» داستانی قاراجا اوغلانا قدرده خالق آراسیندا گئنیش یاییلمیش ۱۶ نجی عصرلرین اورتاسیندا یاشیش قربانی کیمی صنعتکارلار طرفیندن خاطرلانیب، کرم مجنون و فرهادلا یاناشی توتولوب. داستان سونونجو عصرلره قدر ایشلنه رک تکمیللشسمه ده، اؤز کؤکلری ایله قدیم داستان عنعنه لرینه باغلیدیر.
پروفسور قارا نمازوو