توضیحات
آغیر ایللر
مولف: کریم مشروطه چی «سؤنمز»
ناشر: اندیشه نو
چاپ اول تبریز ۱۳۵۸
چاپ دوم «تجدید نظر شده» تهران ۱۳۸۱
۸۰ صفحه
شابک: ۱-۳۷-۶۷۴۱-۹۶۴
کتابین بیرینجی نشرینده قید ائتدیگیم کیمی، بو منظومه اوگونکو ۱۳ یاشلی قیزیمین بیر جدی و معنالی سوآلینا جواب اولاراق یازیلمیشدیر. قیزیم بیرگون فکره دالارکن:
– بابا، بس سیز نه واقت اوتوروب، بیزیمله بیر عمللی – باشلی دانیشاجاقسیز؟
– قیزیم، نه دئییرسن؟ منیم سیزینله دانیشمادیغیم بیر گون اولوب کی؟
– دوغرودور، سیز بیزیلن هرگون دانیشیرسیز. اما من ایری جور دانیشماق دئییرم! اؤز حیاتیزدان، خاطره لریزدن و …
بئله جه «آغیر ایللر» پوئماسی ۱۳۵۶ نجی ایلین باهار فصلینده، اؤزو ده او گونکو اوشاقلاریمین، و گنج نسلین باشادوشه جگی ساده بیر دیلده یازیلدی، و ۱۳۵۸ نجی ایلده کتاب اوچون مقدمه یئرینه یازدیغیم بیر شعرده:
«زنجیرلر آلتیندا جان وئرمک ایلن – دیلیمی زنجیردن قورتارانلارین»
بؤیوک روحونا شکران دویغولاریمی سونارکن، منظومه نی انقلاب عرفه سینده یازیلان بیر نئچه باشقا شعرلریمله برابر چاپا وئردیم. کتاب، دوزولوش و چاپ باخیمیندان سون درجه یوخسول و عیبه جر شکیلده الدن چیخیب یاییلدی، اما اوگونکو شرایطده، ایلکین آددیم ساییلدی و بیرینجی ایشیمین نقصانلارینی دا گؤستردی.
کتابین حقینده هامیدان اول آکادمیک دوکتور جواد هیئت و سونرا مرحوم گنجعلی صباحی، و داها سونرا پروفسور بختیار وهابزاده تنقیدی مقاله لر یازدیلار. بیر خصوصی گؤروشوموزده، اوستاد محمدعلی فرزانه منظومه نین «حددن زیاده شخصی کاراکتر داشیدیغینی» قید ائتدی.
بوتون بو تنقیدی ملاحظه لری نظره آلاراق، منظومه نین اوزه رینده یئنی دن ایشله ییب، بیر چوخ حصه سینی اختصار ائتمکله برابر، واقتیله جیزدیغیم، لاکین بیرینجی نشرده نظریمدن یایینیب پوئمایا داخل اولمایان پارچالاری دا منظومه یه آرتیردیم. کتابین چاپ فورملاریندا ایکی – اوچ صحیفه بوش یئری دولدورماق اوچون، او زمان «بیر اولمالی» عنوانیندا یازدیغیم باشقا بیر شعریمی ده بو نسخه یه آرتیردیم. عؤمور وفا ائدرسه، اوخوجولاریمین ایسته دیگی تقدیرده، بو کتاب بیرداها اونلارین محبتلی الینی اؤپه جکدیر.سؤنمز
تهران – پاییز ۱۳۷۷
نقد و بررسیها
هنوز بررسیای ثبت نشده است.