توضیحات
آذربایجان-تبریز تئاتری
الهام رحیملی
کوچورن و ساهمانلایان: احمد عسگرپور
چاپا حاضیرلایان: سعید موغانلی
ناشر: تکدرخت
بیرینجی چاپ ۱۳۹۶
شابک: ۵-۳۰-۸۵۱۵-۶۰۰-۹۷۸
توضیحاتی درباره نویسنده کتاب
آذربایجان گورکملی تئاترشناسی نظریه چی عالم، الهام عزیزاوغلو رحیملی نین «تبریز آذربایجان تئاتری» کتابی، تئاتر صنعتیمیزین تاریخی انکشاف تدقیقینی اوزونه مقصد گوتورموشدور. بو نسبتا کیچیک حجملی کتابدا بو گونه قدر لایقینجه ایشیق اوزو گورمه ین تبریز و آذربایجانین باشقا شهرلرینین تئاتر تاریخی نین قارانلیق گوشه لری آیدینلاشیبدیر.
الهام عزیزاوغلو رحیملی ۱۹۴۹ – جو ایل سئنتیابرین ۸- ینده آذربایجان جمهوریتی نین یئولاخ بولگه سی نین مال بینه سی کندینده دوغولوب. یئولاخ داکی بیر سایلی اورتا مکتبین اون بیرینجی صنیفینی – ۱۹۶۶ جی ایلده بیتیریب. ۱۹۶۷ – جی ایلده میرزاغا علی یئو آدینا آذربایجان دولت اینجه صنعت دانشکده سینه داخل اولوب و بو عالی مکتبی ۱۹۷۲- جی ایلده بیتیریب. هله تحصیلین سون ایللرینده اوخویاندا (ایندیکی) «خالق» قزئتی یازیچی لار هئیتینه تجربه کئچمه یه گوندریلیب. تجربه زمانی بیر نئچه مقاله سی چاپ اولونوب. حربی خدمتدن سونرا یئنه همن تحریریه یه قاییدیب. مختلف ایللرده ادبی ایشچی، باش مخبر، مدنیت شعبه لرینن مدیری کیمی و «آذربایجان» قزئتی نین باش رئداکتورو ایشله ییب.
۱۹۹۳-جو ایلدن ۲۰۰۳-جو ایله کیمیآکادئمیک ملی درام تئاترینین ادبی حیصه مدیری اولوب؛ سونرالار آذربایجان تئلویزیاسینین “معاریفچیلیک” رئداکسیاسیندا باش رئداکتور وظیفهسینده چالیشیب. ۲۰۱۱-جی ایلدن آذربایجان مدنیت کانالینین دیرئکتور معاونیدیر.
ایلهام رحیملینین ایندییهقدهر مینه یاخین مقالهسی و ۵۷ کیتابی چاپ اولوبدور. ۲۰۰۵ینجی ایلده باکیدا چاشیاوغلو نشریاتی طرفیندن ۱۵۶ صحیفهده چاپ اولان “تبریز آذربایجان تئاتری” کیتابینین اهمیتینی نظره آلاراق امکداشیمیز احمد عسگرپور (پیام سارابلی)، اونو عرب الیفباسینا کؤچوروب و بوتون آذربایجان تئاتر صنعتی هوسکارلارینا تقدیم ائتمیشدیر.
نقد و بررسیها
هنوز بررسیای ثبت نشده است.